Velkominn á vef Litla Hofs. Hér að ofan er hægt að sjá íbúðarhúsalóðir/sumarhúsalóðir á vef okkar.
Litla Hof er staðsett við Eystri Rangá í Rangárþingi ytra.
Vegalengd frá Reykjavík er 96 km og malbik alla leið. Ekið er beina leið á þjóðvegi eitt (90 km) og síðan er beygt til vinstri Keldnaveg númer 264, (sem er til móts við Hótel Rangá) þaðan er 6 km spotti að Litla Hofi.
Stutt er í alla þjónustu á Hellu eða Hvolsvelli, til að mynda matvöruverslanir, sundlaugar, læknisþjónusta, vínbúð, byggingavöruverslanir og veitingastaðir. Hella er 14 km frá og Hvolsvöllur er 11 km frá Litla Hofi. Golfvöllur er á Strönd, 8 km frá Litla Hofi.
Helstu náttúruperlur sem eru nálægar eru til að mynda Fjallabak, Hekla, Tindfjallajökull, Þórsmörk, Landmannalaugar, Vestmannaeyjar, Seljalandsfoss, Fjallabaksleið syðri, Njáluslóðir o.fl.
Íbúðarlóðirnar eru eignarlönd en hægt er að sækja um lögheimili sem gerir fólki kleift að hafa heilsársbúsetu.
Lóðirnar eru stórar og þar af leiðandi er byggingarmagn mikið. Heildar byggingarmagn er allt að 600 fm og heimilt að reisa sex hús að hámarki á hverri lóð. Byggingar skulu ekki vera hærri en tvær hæðir og skal leitast við að aðlaga hús sem best að landi. Byggingarefni er frjálst en ekki er heimilt að reisa gámahús á lóðunum. Útiljós skulu ekki vera hærri en þrír metrar og notast skal við ljósabúnað og lýsingu sem beinir ljósinu niður.
Afar sanngjarnt hektaraverð er á þessum fallegu lóðum.
Seljandi skilar vegi, köldu vatni, og ljósleiðararöri að lóðamörkum.
Húsdýrahald er heimilt á lóðunum.